அன்னையர் தின வாழ்த்துக்கள்

என் கண்களில் நீ பாய்ச்சிய நம்பிக்கை ஒளி

என் காதுகளில் நீ தந்த பேரானந்தப் பேச்சு

என் மனமெங்கும் கறைபடாத உன் காட்சி

என் உயிரெங்கும் நிரம்பி நின்ற உன்னாட்சி

 

என் வயிறாற நீ ஊட்டிய அமுதில் புது மிடுக்கு

என் நடையது பெற்றது உன்னால் புது செருக்கு

என் பேச்சினிலே நீ புகுத்திய தேன் இனிமை

என் மூச்சினிலே தமிழ்த்தாயே உன் வலிமை

 

என் கைகள் கூப்பையிலே நீ ஒரு தெய்வம்

என் கால்கள் விரைகையிலே நீ ஒரு ஆலயம்

என் அங்கமெலாம் அன்பான நீ பெருந்தங்கம்

என் ஆயுளெலாம் உன்னன்பே என் சொர்க்கம்!

 

அன்னையர் தின வாழ்த்துக்கள்!

நன்றி :  மதிப்பிற்குரிய நண்பர் திரு பி. ச. கந்தநாதன்